آه يا زمان العجب..!

آه يا زمـان العجب

فيك العـذاب ألـوان

فيك اللي يدفع تمن

من غير ذنوب وآثام

وفيك اللي بتنعم فى

 الخير بدون حسبان

وفــيك كمـــان اللي 

دنياه بلا عنــــوان

قفــلت بابى عـلــيا

وفضـــلت أنا أبكي

بُكى الجوارح يا بويا 

أَســــنّ مـ السّــكِـــين

والناس ما ليها يا بويا

غير بــسمة عــالخدّين

مـــرسومة كــــالزهرة

مــفتـحـــة الـبســـاتين

 

h.m

أُسامرُ البدر..

أُسامــرُ البـدرَ
 فعاتبتنى النجوم
فيا نجــوم الليل
للبدر سلطـــانه
يُــنيــــر الكــــون
ويبدد بالضيا ظلامه
ويكسي كل غــريب 
مشــتاق لأوطـــانه
وتنجــلي يا همـــوم
مع ســحر إطـــلاله
ونسمع صدى يا ليل
عــلى لـــحن أوتاره
مــع النسيم العــليل
تــهـتـز أغــصـــانه
وبعــذب ميَّك يا نيل
بــتترسـم صفحــات
حب وغُنى ومَواويل
والعين معاها ..آهااات

h.m

يا ناكر الجميل!!

يا ناســي أهـــلك
يا ناكـــر للجــميل
هيجيلك يوم تــدور
على اللمة والحنين
وتفـتكر يا هــــالك
ذكرى حـياها ضمــير
مــاهو أصل طبعـــك
غدربك وبَيَعَك غاليين
وطَلَّع أسوأ عــوايدك
دا الطبع زادها طــين
أصــل الــطـبع غلاب
غـلب الطيابة فــيك
وخســرت به ناسـك
خسـران ليوم الدين
طبــع الخسيس ينباع
ولو قصـــاد فــدادين
و الطــبع إن كان حلو
أفـــديه بضي العيــن
والروح تمنها رخيص
للحــــلـو أقدمـــــها
على طــبق من دهب
واللهِ مــــــا تغــلى
h.m

لمـــا يكــوووون!!

لما يكون الحزن رفيقك
واما يكون الظلم نصيبك
واما تكون العتمة طريقك
بص لفوق هتلاقى حبيبك
ادعي وطلع اللي فى قلبك
ديما باب السما هيقابلك
سامــع وفاتحلك شبابيكه
ومــلاك من ربك بيراقبك
ياخــد ويطلعها لسِــيدُه

بص لفوق وارفـع له ايدك
واوعى في يوم اليأس يصيبك
واعرف إن المولى حسيبك
واعرف إن الحزن دا أجرك
وإن الظلــم لابد مهاجــرك
وإن العتمة شعاعها قصير
وإن الكـــون كله بيتـغـير
من حرفين الكاف والنون
وإن الخــالق يوم ما يقـدر
يأمر أمـــر ..الدنيا تكــون

h.m

يا اللى بتدعى عليك بالموت

يا اللى بتدعي عليك بالموت

حاسب من رب الملكوت

حاسب يمكن ضربة تجيلك

من تحتك او يمكن فوق

يمكن باب السما مفتوح

تقبل دعوة وتروح روح

ديما قبل ماتدعى تفكر

ليكون جاهزملك الموت

أوعى تقول فى كلامي رجعت

لا يخفيف ماخلاص الدعوة

للسموات السبع اهى طالعة

علشان قبل ماتدعى تفكر

إن الكلمة عليها رقيب

محسوبة وعليك تتقدر

يلا ياعم ..نعيد من تانى؟

ولا خلاص الدرس مفيد

 h.m

 

حبيبى محتاجالك

حبيبى محتاجالكـ
حــبيبى ضـمـني
عاوزة أحس بحنانكـ
وبسحـر همستـــكـ
لما تقولي  بَحِبِكـ
وحــشتنى نَظـرتِكـ
نظرت عنيك تساوي
الكون بحاله عندى

يا كل الكون دا ليا
حاسة بمحبيتكـ
بس يا ريتك تقرب
محتاجة ضمتكـ
اوعاك فى يوم تفكر
انك تبعد بعيد
الكون عندى يخاصمنى
ويزيد من وحدتي
والايد كمان تبطل
تمسح لي دمعتي
مانا قلتلك يا غالي
يا كُل الكون دا ليا
محتاجة ضمتكـ

h.m

يا قلبى خبي موتك

يا قلبى خبي موتكـ
صمتك عنوان صمودكـ
أوعدني إنكـ تقـــاومـ
صرخات حنين تلومكـ
أو حتى نسمة طلت
من ذكريات جنونـكـ
قدرك إنكـ تســلمـ
وترضى باللى صابكـ
أشــهد إنكـ صمدت
على العتاب والهجر
وأشــهد إنكـ قدرت
على مرارة الصبر
***
يا قلبى خبي موتكـ
عين الشماتة تصيبكـ
أو عين حبيب تزيدكـ
آلام حتى فى مماتكـ
وأوعى فى يومـ تفكر
إن اللي راح هيجيلكـ
زمـن الأمــانة راح
والسهم يومـ هيصيبكـ

h.m

قالوا أتهواها؟

 

 قالوا أتهواها؟

قلتُ وما الهوى

 فى بحر عيناها!!

قالوا وما تهوى بها!!

قلتُ مُلكٌ تَمْلُكَهُ يداها

قالوا وما لك به؟

قلتُ فيه الحياةُ والقلبُ

 لايُروى الا برؤياها

قالوا وما..قلتُ كفاكمو

ألا تدرون كم من قتيلٍ

استَحَلَ دَمَهُ فدا عيناها!

ألا تدرون أن القلبَ يعشقها؟

ولا سبيلَ لي إلا بمَرسَاها

فلا تلوموا عاشقاً يوماَ

حتى تذوقوا كلامَ الشهدِ

من فـــــــــــاهـــــــــا!

h.m