الثلاثاء، 22 ديسمبر، 2015

أوبريت حقوق الطفل


مشاركة مني للروضة الملحقة بالمدرسة التي أعمل بها

أوبريت حقوق الطفل
************
*حق الطفل فى الطعام والشراب


من أرض الدلتا وبنادي
نفسى أشرب من نهر بلادي
مية نضيفة من الحنفية
وكمان أكلة ولقمة هنية

.................

* حق الطفل فى التعليم المجانى


وأنا مصري وحالي مدهور
كل يومين محتاج أنا دفتر
بيقولوا تعليم مجاني
طب ورينى وأنا أبقى الأشطر
 

................. 

* حق الطفل فى الشعور بالامان وعدم التعذيب او الاهمال


وأنا مصرى من حقي أمان
من غير تعذيب أو حرمان
ولا صنعة ترهقنى كمان

 .................

*حق الطفل فى الرعاية الصحية


وأنا مصرى بلعب وأتعلم
وف كراستى أرسم وألون
لكن الصحة مش ولا بد
محروم منها ومن رعايتها
هنقول ايه الرحمة يا رب

 ......................

*حق الطفل فى اللعب


وأنا من حقى اللعب كمان
أوعى تقول واحد غلبان

...................

* وانا الصعيدى مصرى يا سيدي
نفسى أتعلم بقى وأتنور
نفسى أقول وأكتبها كمان
تحيا بلادي احلى الأوطان

.....................

*حق الطفل فى التعبير عن نفسه
وفى أخر تعبيرنا وقولنا
عن أحلامنا وعن أمانينا
تحيا بلادنا تحيا بلادنا
محفوظة وعلمها مرفرف
فوق ارضيها ...فوق ارضيها

......................

 حنان محمود

 






أوبريت المهن






مشاركة مني للروضة الملحقة بالمدرسة التي أعمل بها

                                        ( أوبريت المهن )                                             


 الطبيب

أنا الطبيب قدر أساعدك

وأقدر أقول أيه كمان عندك

وبسمعتي المشهورة

أكشف وأحطك فى الصورة


.الشرطي

أنا الشرطي أنا فدائى

أفديك وأفدى أولادي

من كل مجرم وحرامي

يرهب ويفسد فى بلادى


البنا

أنا البنا أبنى وأعلي

وكل يوم بيزيد فني

بص أقوام عالمبنى هناك

وادعيلي ربى يخلي


المعلم

يا معلمي يا معلمي

أنت ديما قدوتي

منك أعرف معلومة

وأكتب كلمة وأرسم صورة

ربى يزيدك علم وتقوى

ولجنته يكون لك مأوى


.النجار

غنوا معايا يا أطفال

الله يعينى أنا النجار

ديما شايل صندوقي

وشاكوشي وكمان منشار


الجندى

أنا الجندى أحمى بلادى

من كل عدو أو ارهابي


( كل الاطفال )

 كلنا جنود ..بنحمي أرضنا

أرض المحبة والسلام..أرضك وعرضك مصرنااا

حنان محمود

الجمعة، 9 مايو، 2014

بين السما والارض احترت



بين السما والأرض احترت

وكمان هجر وقرب تعبت

حتى لفوق للسما أنا بطلع

ومابلحقش بلاقي الارض

ولا الهجر يا دوب أنا هنسى

يجي يقرب فـ أنسى إن أنسى

امتى أنا هاخد بالي من نفسي

أنا أسفة لها وحقها عندي

بس بجد خلاص أنا تهت

بين السما والارض احترت

حتى الناس منهم ينداس

ضحكة تنور وش وراس

ولسانهم عقرب خناس

بين السما والارض احترت

حتى كمان من نفسى زهقت

أيوة.. كمان من نفسى زهقت

hm

الثلاثاء، 18 فبراير، 2014

خليني ذكرى :(



إذا لمــ يزدك البعـد حباً
فأنت لمـ تعرف الحب أبداً

إذا لمــ تره حيـاة وعشقـاً
فأنت لمـ تتقن البوح صمتاً

بحثت عنكـ وأنت مني
أغوص فيكـ بدمع عيني

لا الهجر دايمـ ولا التمني
ولا الوصـال سكن لقلبي

من حال لحال بعدكـ سَجَني
وحتى قربـكـ  مني ظالمني

يا حب عمري خليني ذكرى
تشوفها عينكـ تبقى فاكرنى

h.m

الثلاثاء، 3 ديسمبر، 2013

عارف يعنى ايه بحبــــــــك




عارف يعنى ايه بحبك

يعنى عاوزاك تبقى جنبى

يعنى أرســمك فى قلبى

يعنى فِكْر بعيد يَخُدني

وفخيال جميل يسبني

أبني أحلامي بِايديا

بحلم لما أكون معاك

إن عمري يزيد شوية

وإن زمان الدنيا ديا

يتربط بحبال قوية

وإن الشمس لما تشرق

الغروب يميل هدية

منه لينا ولطموحنا

اننــا بعــد اللى بينا

ليلنا ونهارنا يقاسمنا

عش نونو ونقطة ميَّة

عارف يعني ايه بحبك 

يعني أنت الدنيا ليا

بحـــبك

h.m


وعاد العمر..






وعاد العمر يبكى من قرار

قررتُه في لحظة انكســـار

وظننتُ يوماً أن العمر يخطو

خطى المناضل نحو الانتصار

قدرتُ ذلك تـقديراً وأشــــكــو

لحظات صمتٍ قبلَ الانهيار

وأماني قلبي رؤيتــَهُ النهار

فيزيحُ عنه ثوباً من حديدٍ

مازال يكسوه فيشعره بنار

خابت ظنوني كلما عاودتَهُ

فأجدها مثل بركان وثار

دعْ عنك ظني جانباً واختار

فلقد عانيتُ وأتخذتُ قرار 

h.m

 

الأحد، 27 أكتوبر، 2013

حنان الأم يتعوض؟!!




حنان الأم يتــعــوض؟!
لا طبعا دا المحال أقرب
طلوع الشمس
من المغرب عجيب
وحضن الأم ودفاه
أكــــــيد أعــجــب
يا نبع الحب يا أمي
ويـــا عــمــــــري
وفي رضاكى أكيد أرغب
يا بسمة فى قلبى بتفتح
يا تـــغريــدة لــعـصــفــورة
تــطــل عليـــــا وتـــصـــبح
يا أمي يا دنيتى وناســي
ربيعي ووجدى واحساسي
لأمــرك ينحنى راســــي
ضمـانة لــجـنـته ..أربـــح

h.m


السبت، 22 يونيو، 2013

أحنُ اليه



#أحنُ اليه والشوق قاتلي

وكم من الأشواق مهلكات

حنيني اليه يفيض بدمعِ

وعيني لدمعي بحور شاهدات

فقلبى يئنُ بجوفِ الليالي

أنين الوليد بوأد الممات

حكايتنا دوماً تطلُ عليّا

شريط يمر من الذكريات

وثغرٌ تبسم يوماً بوجهي

يشعُ ضياءَ الشموس الجاريات

حنانٌ يفيض على كل جنبٍ

رياض القلوبِ له راغبات

وصوتٌ حنونٌ يشقُ الطريقَ

بلحنٍ جميلٍ من الأمنيات

أحن وأعلم قصور الرمال

بموجٍ وريحٍ خفيف زائلات

 h.m