من حقى أنا؟!!
بداخل الإنسان
أركان متهدمة
فى كل ركن فيها
حروف مبعثرة
وفكل حرف منها
زاوية متأثرة
حاسة أحاسيس كتير
لكن من حقى أنا؟
أسوار كتير منعاه
وحدود كتير ربطاه
وملجماه ومسكتها
عن التفكير فى الحق دا
طبيب الهوى قرب
اوصف ليا الدوا
يمكن يصيب حدودى
ولا يصبنى انا
قرب طبيبى بسرعة
باشر عملك فى قلبى
وأقرب طريق لصالحى
ربى اجعله الـــــــدوا
h.m
كـلام جمـيل ورائع *** ويغـني عـن المراجع
ردحذف............ولو مش متأكدة ............
إسألى كمان ورايه *** وأسألى حتي المراية
...........هتقول بالشكل ده.............
كـلام جمـيل ورائع *** ويغـني عـن المراجع
-------------------------------------
محمد
مصدقة كلامك
ردحذفعلشان من القلب طالع
ويغنى عن المراية
او حتى عن المراجع
*
*
مرور ادبى رااااااااااائع
شكر محمد على المرور والتعليق البديع
مشكورة يااستاذتنا
ردحذفده كلامك نوره ال لامـع
خلاني اغير حالي
وأهزم صمتي اللي قامع
ولشعرك كنت اقرا
وفي قرايتي ليكي سامع
....................
شكرا ليكي كتير استاذه حنان
بجد انا مش عارف انا بكتب الكلام ده ازاي لان فعلا زي ما قلتلك من فتره طويله وانا مش عارف اكتب اي حاجة فالظاهر انه لازم يكون فيح محفز وروح للكتابه وتقريبا دي اول مرة اكتب شعر عامي
...
وعلي فكرة
بجد ردي الاول مكنش لمجرد رد ادبي ولكن فعلا انا حاولت ابحث ان رد مناسب لكلامك الجميل اللي بيوصف حاله صعبه لكن معرفتش اقولك ايه غير ان انا اكتب الابيات دي
....
واخيرا الدويتو ده 10/10
ردك عليا شاهد
ردحذفانك للشعر مالك
وانك للصمت هالك
ولطغيانه مجاهد
*
*
الشكر لك انت محمد