الثلاثاء، 22 ديسمبر 2015
أوبريت المهن
مشاركة مني للروضة الملحقة بالمدرسة التي أعمل بها
( أوبريت المهن )
الطبيب
أنا الطبيب قدر أساعدك
وأقدر أقول أيه كمان عندك
وبسمعتي المشهورة
أكشف وأحطك فى الصورة
.الشرطي
أنا الشرطي أنا فدائى
أفديك وأفدى أولادي
من كل مجرم وحرامي
يرهب ويفسد فى بلادى
البنا
أنا البنا أبنى وأعلي
وكل يوم بيزيد فني
بص أقوام عالمبنى هناك
وادعيلي ربى يخلي
المعلم
يا معلمي يا معلمي
أنت ديما قدوتي
منك أعرف معلومة
وأكتب كلمة وأرسم صورة
ربى يزيدك علم وتقوى
ولجنته يكون لك مأوى
.النجار
غنوا معايا يا أطفال
الله يعينى أنا النجار
ديما شايل صندوقي
وشاكوشي وكمان منشار
الجندى
أنا الجندى أحمى بلادى
من كل عدو أو ارهابي
( كل الاطفال )
كلنا جنود ..بنحمي أرضنا
أرض المحبة والسلام..أرضك وعرضك مصرنااا
حنان محمود
الجمعة، 9 مايو 2014
بين السما والارض احترت
بين السما والأرض احترت
وكمان هجر وقرب تعبت
حتى لفوق للسما أنا بطلع
ومابلحقش بلاقي الارض
ولا الهجر يا دوب أنا هنسى
يجي يقرب فـ أنسى إن أنسى
امتى أنا هاخد بالي من نفسي
أنا أسفة لها وحقها عندي
بس بجد خلاص أنا تهت
بين السما والارض احترت
حتى الناس منهم ينداس
ضحكة تنور وش وراس
ولسانهم عقرب خناس
بين السما والارض احترت
حتى كمان من نفسى زهقت
أيوة.. كمان من نفسى زهقت
hm
الثلاثاء، 18 فبراير 2014
خليني ذكرى :(
إذا لمــ يزدك البعـد حباً
فأنت لمـ تعرف الحب أبداً
إذا لمــ تره حيـاة وعشقـاً
فأنت لمـ تتقن البوح صمتاً
بحثت عنكـ وأنت مني
أغوص فيكـ بدمع عيني
لا الهجر دايمـ ولا التمني
ولا الوصـال سكن لقلبي
من حال لحال بعدكـ سَجَني
وحتى قربـكـ مني ظالمني
يا حب عمري خليني ذكرى
تشوفها عينكـ تبقى فاكرنى
h.m
الأحد، 5 يناير 2014
الجمعة، 3 يناير 2014
الثلاثاء، 3 ديسمبر 2013
عارف يعنى ايه بحبــــــــك
عارف يعنى ايه بحبك
يعنى عاوزاك تبقى جنبى
يعنى أرســمك فى قلبى
يعنى فِكْر بعيد يَخُدني
وفخيال جميل يسبني
أبني أحلامي بِايديا
بحلم لما أكون معاك
إن عمري يزيد شوية
وإن زمان الدنيا ديا
يتربط بحبال قوية
وإن الشمس لما تشرق
الغروب يميل هدية
منه لينا ولطموحنا
اننــا بعــد اللى بينا
ليلنا ونهارنا يقاسمنا
عش نونو ونقطة ميَّة
عارف يعني ايه بحبك
يعني أنت الدنيا ليا
بحـــبك
h.m
وعاد العمر..
وعاد العمر يبكى من قرار
قررتُه في لحظة انكســـار
وظننتُ يوماً أن العمر يخطو
خطى المناضل نحو الانتصار
قدرتُ ذلك تـقديراً وأشــــكــو
لحظات صمتٍ قبلَ الانهيار
وأماني قلبي رؤيتــَهُ النهار
فيزيحُ عنه ثوباً من حديدٍ
مازال يكسوه فيشعره بنار
خابت ظنوني كلما عاودتَهُ
فأجدها مثل بركان وثار
دعْ عنك ظني جانباً واختار
فلقد عانيتُ وأتخذتُ قرار
h.m
الأحد، 27 أكتوبر 2013
حنان الأم يتعوض؟!!
حنان الأم يتــعــوض؟!
لا طبعا دا المحال أقرب
طلوع الشمس
من المغرب عجيب
وحضن الأم ودفاه
أكــــــيد أعــجــب
يا نبع الحب يا أمي
ويـــا عــمــــــري
وفي رضاكى أكيد أرغب
يا بسمة فى قلبى بتفتح
يا تـــغريــدة لــعـصــفــورة
تــطــل عليـــــا وتـــصـــبح
يا أمي يا دنيتى وناســي
ربيعي ووجدى واحساسي
لأمــرك ينحنى راســــي
ضمـانة لــجـنـته ..أربـــح
h.m
السبت، 22 يونيو 2013
أحنُ اليه
#أحنُ اليه والشوق قاتلي
وكم من الأشواق مهلكات
حنيني اليه يفيض بدمعِ
وعيني لدمعي بحور شاهدات
فقلبى يئنُ بجوفِ الليالي
أنين الوليد بوأد الممات
حكايتنا دوماً تطلُ عليّا
شريط يمر من الذكريات
وثغرٌ تبسم يوماً بوجهي
يشعُ ضياءَ الشموس الجاريات
حنانٌ يفيض على كل جنبٍ
رياض القلوبِ له راغبات
وصوتٌ حنونٌ يشقُ الطريقَ
بلحنٍ جميلٍ من الأمنيات
أحن وأعلم قصور الرمال
بموجٍ وريحٍ خفيف زائلات
h.m
أربع جدران وأنا وسطيهم!!
أربـع جدران
وأنا وسطيهـم
وبقـول الآه
ليا وليهـم
وبدمع العـين
أنا برويهـم
الليل بستايره
مغطيهــم
حالف مايخطى
يعديهـــم
يا نهار شمسك
عنـى بعــيدة
حلفت ماتقرب
نواحيهـــم
روح فكــرها
إنها قسـيت
على قلب حزين
ساكن فيهــم
أربع جـدران
وأنا وسطيهــم!!
h.m
الجمعة، 21 يونيو 2013
الأربعاء، 22 مايو 2013
السبت، 4 مايو 2013
السبت، 20 أبريل 2013
آه يا زمان العجب..!
آه يا زمـان العجب
فيك العـذاب ألـوان
فيك اللي يدفع تمن
من غير ذنوب وآثام
وفيك اللي بتنعم فى
الخير بدون حسبان
وفــيك كمـــان اللي
دنياه بلا عنــــوان
قفــلت بابى عـلــيا
وفضـــلت أنا أبكي
بُكى الجوارح يا بويا
أَســــنّ مـ السّــكِـــين
والناس ما ليها يا بويا
غير بــسمة عــالخدّين
مـــرسومة كــــالزهرة
مــفتـحـــة الـبســـاتين
h.m
أُسامرُ البدر..
أُسامــرُ البـدرَ
فعاتبتنى النجوم
فيا نجــوم الليل
للبدر سلطـــانه
يُــنيــــر الكــــون
ويبدد بالضيا ظلامه
ويكسي كل غــريب
مشــتاق لأوطـــانه
وتنجــلي يا همـــوم
مع ســحر إطـــلاله
ونسمع صدى يا ليل
عــلى لـــحن أوتاره
مــع النسيم العــليل
تــهـتـز أغــصـــانه
وبعــذب ميَّك يا نيل
بــتترسـم صفحــات
حب وغُنى ومَواويل
والعين معاها ..آهااات
h.m
الخميس، 18 أبريل 2013
يا ناكر الجميل!!
يا ناســي أهـــلك
يا ناكـــر للجــميل
هيجيلك يوم تــدور
على اللمة والحنين
وتفـتكر يا هــــالك
ذكرى حـياها ضمــير
مــاهو أصل طبعـــك
غدربك وبَيَعَك غاليين
وطَلَّع أسوأ عــوايدك
دا الطبع زادها طــين
أصــل الــطـبع غلاب
غـلب الطيابة فــيك
وخســرت به ناسـك
خسـران ليوم الدين
طبــع الخسيس ينباع
ولو قصـــاد فــدادين
و الطــبع إن كان حلو
أفـــديه بضي العيــن
والروح تمنها رخيص
للحــــلـو أقدمـــــها
على طــبق من دهب
واللهِ مــــــا تغــلى
h.m
الأربعاء، 17 أبريل 2013
لمـــا يكــوووون!!
لما يكون الحزن رفيقك
واما يكون الظلم نصيبك
واما تكون العتمة طريقك
بص لفوق هتلاقى حبيبك
ادعي وطلع اللي فى قلبك
ديما باب السما هيقابلك
سامــع وفاتحلك شبابيكه
ومــلاك من ربك بيراقبك
ياخــد ويطلعها لسِــيدُه
بص لفوق وارفـع له ايدك
واوعى في يوم اليأس يصيبك
واعرف إن المولى حسيبك
واعرف إن الحزن دا أجرك
وإن الظلــم لابد مهاجــرك
وإن العتمة شعاعها قصير
وإن الكـــون كله بيتـغـير
من حرفين الكاف والنون
وإن الخــالق يوم ما يقـدر
يأمر أمـــر ..الدنيا تكــون
h.m
السبت، 6 أبريل 2013
يا اللى بتدعى عليك بالموت
يا اللى بتدعي عليك بالموت
حاسب من رب الملكوت
حاسب يمكن ضربة تجيلك
من تحتك او يمكن فوق
يمكن باب السما مفتوح
تقبل دعوة وتروح روح
ديما قبل ماتدعى تفكر
ليكون جاهزملك الموت
أوعى تقول فى كلامي رجعت
لا يخفيف ماخلاص الدعوة
للسموات السبع اهى طالعة
علشان قبل ماتدعى تفكر
إن الكلمة عليها رقيب
محسوبة وعليك تتقدر
يلا ياعم ..نعيد من تانى؟
ولا خلاص الدرس مفيد
h.m
الاشتراك في:
الرسائل (Atom)